我的學生是drama king/queen

栗：好啦，我地今日温（某 DSE 數學課題）。你先做這五題看看。

（學生呆若木雞，於是栗教／做了三題，之後......）

生：（瞄一瞄題目）嘩，呢題好恐怖呀！點做呀？

栗：用手做。

生：Erm ...

栗：小姐，你乜都唔寫，梗係唔識做啦！嗱，你咁咁咁先啦。

生：（寫了兩條式）吓，咁即係點呀～

栗：咪同頭先三題一樣做法囉，你睇番啦！

生：（瞄一瞄之前寫的式，然後自言自語）咁即係點呀，呢個同果個調？但係題目冇俾呢個邊長我喎......（謎之聲：題目叫你搵呢個邊長喎，點會俾你？！）

（本著「試是你考不是我考」的心情，栗眼尾都唔望下學生。兩分鐘後......）

生：呀！冇個答案啱呀！（尾隨一串語意不明的語音，間中夾了些須要消音的字～）

栗：唉，你冷靜啲得唔得？計數呼天搶地係冇用架！題目叫你搵AD，你走去搵BC做乜？你咁咁咁再試過啦！（掩臉，但哭不出來，因為這個情景重複了快 n 十年了，呼～）